Serwisowy běrow za serbsku rěč w komunalnych naležnosćach pyta
přełožowarja abo přełožowarku,
kotraž naš team wot 1. oktobra zesylni.
Što su dźěłowe wobłuki?
* natwar a hladanje syće za wuměnu nastupajo dwurěčnosć w komunach serbskeho sydlenskeho ruma w Sakskej
* poradźowanje komunow při zwoprawdźenju zjawneje dwurěčnosće
* přełožowanje a lektorizowanje formularow, tekstow a pod. za wužiwanje w komunalnym dźěle
* dokumentacija dźěłowych wotběhow
* wuhódnoćenje rezultatow přełožowanja
* dalewuwiće serbskeje terminologije w komunalnych zarjadach
* fachowa wuměna za dalewuwiće serbskeje rěče z fachowymi institucijemi
Što sej wot sobudźěłaćerja resp. sobudźěłaćerki přejemy?
* wysokošulske wotzamknjenje na polu sorabistiki/slawistiki abo w podobnym studijnym směrje
* kmanosć wědomostneho a samostatneho dźěła
* komunikatiwne kmanosće
* nazhonjenja přełožowanja mjez serbšćinu a němčinu kaž tež na polu zjawnostneho dźěła
* jězbnu dowolnosć
Što poskićamy?
* tydźenski dźěłowy čas wučinja 38 hodźinow, po dorěčenju je tež mjenje móžno
* mzdu płaćimy po TV-L (wotwisnje wot wukubłanja)
* dźěłowe městno je we Wojerecach
* městno je hač do 30. apryla 2026 wobmjezowane
* dołhodobne přistajenje je móžne
Maće-li zajim, potom požadajće so hač do
31. awgusta 2025
.
Na prašenja Wam rady wotmołwimy.
Domowina – Zwjazk Łužiskich Serbow z. t.
Póstowe naměsto 2
02625 Budyšin